இன்றைய செய்திகள்

ஆதார் அட்டை புதுப்பிக்க கால அவகாசம் டிசம்பர் 14வரை நீட்டிப்பு. சமூக ஆர்வலர் கோவிந்தராஜனுக்கு பொதுமக்கள் பாராட்டு. அகில இந்திய காங்கிரஸ் பொதுச் செயலாளராக பதவி ஏற்றுள்ள கோபிநாத் பழனியப்பன் அவர்களுக்கு தலைவர்கள் வாழ்த்து. மார்க்சிஸ்ட் கம்யூனிஸ்ட் கட்சியின் பொதுச் செயலாளர் சீதாராம் யெச்சூரி காலமானார்.

CAUTION

 

''தமிழ்நாடு திருநாள் ஜூலை - 18 " விழா

இன்று ( 18.07.2022) மெரினா கடற்கரையில் , தமிழ்நாடு அரசின் சார்பில் நடைபெறும் " தமிழ்நாடு திருநாள் ஜூலை - 18 " விழாவையொட்டி அமைக்கப்பட்டுள்ள மணல் சிற்பத்தை நீர்வளத் துறை அமைச்சர். துரை முருகன்,தொழில் துறை அமைச்சர் தங்கம் தென்னரசு,செய்தித் துறை அமைச்சர் எம்.பி.சாமிநாதன் மற்றும் பெருநகர சென்னை மாநகராட்சி துணை மேயர் சைதை மு.மகேஷ்குமார் ஆகியோரிடம் பார்வையிட்டபோது

நமதுநிருபர்-கவி அரசு- .சென்னை

கள்ளக்குறிச்சியில் அமைச்சர் அன்பில் மகேஷ் பொய்யாமொழி நேரில் சென்று ஆய்வு

 

கள்ளக்குறிச்சியில் பாதிக்கப்பட்ட பள்ளி மாணவர்களை அருகேயுள்ள அரசு பள்ளியில் சேர்க்கலாமா என ஆலோசனை.

இன்று கள்ளக்குறிச்சிக்கு நேரில் சென்று ஆய்வு செய்ய உள்ளார் பள்ளிக்கல்வித்துறை அமைச்சர் அன்பில் மகேஷ் பொய்யாமொழி

நமதுநிருபர்-கவி அரசு- .சென்னை

இந்திய குடியரசு தலைவருக்கான தேர்தல் - மு.க.ஸ்டாலின் வாக்குபதிவு

தலைமைச் செயலகத்தில் உள்ள சட்டமன்றப் பேரவைச் செயலகக் குழுக் கூட்ட அறையில் அமைக்கப்பட்டுள்ள வாக்குச்சாவடியில் இந்திய குடியரசு தலைவருக்கான தேர்தலில் தனது வாக்கினை முதலமைச்சர் மு.க.ஸ்டாலின் செலுத்தினார்

நமதுநிருபர்-கவி அரசு- .சென்னை

தமிழகத்தில் நாளை முதல் தனியார் பள்ளிகள் இயங்காது.. தனியார் பள்ளிகளின் சங்கம் அறிவிப்பு

தமிழகத்தில் நாளை முதல் தனியார் பள்ளிகள் இயங்காது.. 

கள்ளக்குறிச்சி பள்ளி தாக்கப்பட்டதை கண்டித்து தனியார் பள்ளிகள் கூட்டமைப்பு போராட்டத்தையும் அறிவித்துள்ளது.

தமிழகத்தில் நாளை முதல் தனியார் பள்ளிகள் இயங்காது என தமிழ்நாடு நர்சரி, மெட்ரிகுலேஷன், சிபிஎஸ்இ பள்ளிகள் சங்கம் அறிவித்துள்ளது.

கள்ளக்குறிச்சி அருகே உள்ள கனியாமூர் கிராமத்தில் தனியார் பள்ளி ஒன்று இயங்கி வருகிறது. இந்தப் பள்ளியில் கடலூர் மாவட்டம் பெரிய நெசலூர் கிராமத்தை சேர்ந்த 17 வயது சிறுமி, பள்ளி விடுதியில் தங்கி 12-ம் வகுப்பு படித்து வந்தார். இந்த நிலையில் மாணவி ஜூலை 13-ம் தேதி இரவு பள்ளியின் விடுதி மாடியிலிருந்து கீழே குதித்து தற்கொலை செய்து கொண்டதாக கூறப்படுகிறது.

மாணவியின் மரணத்தில் பல்வேறு சந்தேகங்கள் இருப்பதாக பெற்றோரும் உறவினர்களும் தெரிவித்துள்ளனர். மாணவியின் மரணத்துக்கு நியாயம் கேட்டு தொடர்ந்து போராட்டங்களை நடத்தி வருகின்றனர். சாலை மறியல் போன்ற போராட்டங்களிலும் அவர்கள் ஈடுபட்டு வருகின்றனர்.

4வது நாளான இன்று அவர்களின் போராட்டம் வன்முறையாக மாறியது. போலீசாரை நோக்கி கற்களை வீசி அவர்கள் தாக்க தொடங்கினர். பதிலுக்கு போலீசாரும் கற்களை வீசி தாக்கியும் தடியடி நடத்தியும் அவர்களை கலைக்க முயன்றனர். இதற்கிடையே, மாணவி படித்த பள்ளிக்குள் அத்துமீறி நுழைந்த போராட்டக்காரர்கள் அங்கிருந்த பேருந்துகள் உள்ளிட்ட வாகனங்களை அடித்து நொறுக்கினர்.

மேலும், பள்ளி பேருந்துகளுக்கு போராட்டகாரர்கள் தீ வைத்ததால் பரபரப்பு ஏற்பட்டது. பள்ளி வளாகத்தில் இருந்த 10 க்கும் மேற்பட்ட பள்ளி பேருந்துகள் தீவைத்து எரிக்கப்பட்டதாக தகவல் வெளியாகியுள்ளது.

இதனிடையே, கலவரத்தை கட்டுக்குள் கொண்டுவரும் பொருட்டு, கள்ளக்குறிச்சி தாலுகா முழுவதும் 144 தடை உத்தரவு பிறப்பித்து மாவட்ட ஆட்சியர் ஸ்ரீதர் உத்தரவிட்டுள்ளார். மேலும், சின்னசேலம், நயினார்பாளையம் பகுதியிலும் 144 தடை உத்தரவு பிறப்பிக்கப்பட்டுள்ளது

இந்நிலையில், தமிழகத்தில் நாளை முதல் தனியார் பள்ளிகள் இயங்காது என தமிழ்நாடு மெட்ரிகுலேசன், சிபிஎஸ்இ, நர்சரி பள்ளிகள் சங்கத்தின் தலைவர் நந்தகுமார் அறிவித்துள்ளார்.

கனியாமூர் தனியார் பள்ளியில் நிகழ்ந்த வன்முறை சம்பவத்தை தொடர்ந்து தனியார் மெட்ரிகுலேஷன் பள்ளிகளின் சங்கம் அறிவித்துள்ளது. மேலும், கள்ளக்குறிச்சி பள்ளி தாக்கப்பட்டதை கண்டித்து தனியார் பள்ளிகள் கூட்டமைப்பு போராட்டத்தை அறிவித்துள்ளது.

புதிய செய்தி சேனல் ஐபிஐ நியூஸ்

பிரம்மாண்ட வளர்ச்சிக்கு பின்பு ஆரம்பமான மெகா வீழ்ச்சி

 இங்கிலாந்துக்கு எதிராக பர்மிங்காம் நகரில் நடைபெற்ற 5-வது போட்டியில் இந்தியா 7 விக்கெட் வித்தியாசத்தில் பரிதாபமாக தோற்றது. அதனால் 2 1* என்ற கணக்கில்  முன்னிலை  வகித்தது – இந்தியாவை தோற்கடித்து மிரட்டல் வெற்றி பெற்ற இங்கிலாந்து 2 – 2 என்ற தொடரை சமன் செய்து சொந்த மண்ணில் எப்போதும் ராஜாதான் என நிரூபித்தது. மறுபுறம் அனுபவமில்லாத பும்ரா தலைமையில் முதல் 3 நாட்களில் அசத்திய இந்தியா கடைசி 2 நாட்களில் சொதப்பி 2007க்கு பின் இங்கிலாந்து மண்ணில் 15 வருடங்கள் கழித்து டெஸ்ட் தொடரை வெல்லும் பொன்னான வாய்ப்பை கோட்டை விட்டது.

இப்போட்டியில் இந்தியா வெல்லும் என்று 100% நம்பிக்கையுடன் இந்திய ரசிகர்கள் காணப்பட்டனர். ஏனெனில் டெஸ்ட் கிரிக்கெட்டில் கடைசி இன்னிங்சில் 200 ரன்களை துரத்துவதே சிம்ம சொப்பனம் என்ற நிலையில் இதற்குமுன் வரலாற்றில் 350க்கும் மேற்பட்ட இலக்கை நிர்ணயித்த எந்த போட்டிகளிலும் இந்தியா தோற்றதே கிடையாது. மேலும் சமீப காலங்களில் வெளி நாடுகளில் இந்தியா பதிவு செய்துள்ள வரலாற்று வெற்றிகளும் ரசிகர்களுக்கு நம்பிக்கை கொடுத்தன. இந்த அத்தனை நம்பிக்கைகளுக்கும் முக்கிய காரணம் முன்னாள் கேப்டன் விராட் கோலி என்றுதான் கூறவேண்டும்.

கேப்டனாக பொறுப்பேற்ற 2014இல் சொந்த மண்ணில் மட்டும் வெல்லக்கூடிய அணியாக தர வரிசையில் 7-வது இடத்தில் திண்டாடிக் கொண்டிருந்த இந்தியாவை அவர் வெளிநாடுகளில் முன்னேற்றுவதற்கான ஆணையை  பலப்படுத்தினார் . வெளிநாட்டில் வெற்றி பெறுவதற்கு எதிரணியின் 20 விக்கெட்டுகளையும் எடுக்க வேண்டும் என்ற முன்னாள் கேப்டன் எம்.எஸ். தோனியின் கருத்தை ஆழமாக நம்பிய அவர் சுழல் பந்து வீச்சுக்கு கை கொடுக்காது என்பதை உணர்ந்து உமேஷ் யாதவ், முகமது ஷமி, புவனேஸ்வர் குமார், ஜஸ்பிரித் பும்ரா, முகமது சிராஜ் போன்ற வேகப்பந்து வீச்சாளர்களுக்கு வரலாற்றில் அதிக ஆதரவு அளித்தார். 

அதன் பயனாக சொந்த மண்ணில் பிரம்மாண்ட வெற்றிகளைப் பெறும் இந்தியா முதலில் இலங்கை, வெஸ்ட் இண்டீஸ் போன்ற பலவீனமான வெளிநாடுகளில் வெற்றிகளை குவிக்க  துவங்கி  2016 முதல் உலகின் நம்பர் ஒன் அணியாக உருவெடுத்தது. இது வெறும் வாய் வார்த்தைகளால் சொல்லவில்லை. ஏனெனில் 1932 முதல் 2016 வரை வெறும் 13 போட்டிகளில் மட்டுமே எதிரணியின் 10 விக்கெட்டுகளை வீழ்த்திய இந்திய வேகப்பந்து வீச்சு துறை 2017 – 2022 வரை 15* போட்டிகளில் வீழ்த்தியது.

அதோடு தனது ஆக்ரோஷம் நிறைந்த அதிரடியான கேப்டன்ஷிப் மூலம் மிரட்டலை கொடுக்கும் எதிரணிகளுக்கு அஞ்சாமல் பதில் மிரட்டலை கொடுக்கும் அணியாக இந்தியாவை மாற்றிய விராட் கோலி  தோல்வியின் பிடியில் சிக்கினாலும் போராடாமல் தோற்கக்கூடாது என்ற போராட்ட குணத்தை இந்திய அணியில் ஆழமாக விதைத்தார். 

அதன் காரணமாக 2018 முதல் தென்ஆப்ரிக்கா போன்ற ஆசியக் கண்டத்திற்கு வெளியே வெற்றிகளை குவிக்க துவங்கிய இந்தியா உச்சபட்சமாக 2019இல் 70 வருடங்களில் முதல் முறையாக  ஆஸ்திரேலியாவை  அதன் சொந்த மண்ணில் மண்ணைக் கவ்வ வைத்து 2 – 1 (4) என்ற கணக்கில் வரலாறு படைத்தது. அதன் வாயிலாக ஆஸ்திரேலிய மண்ணில் டெஸ்ட் தொடரை வென்ற ஆசிய கேப்டன் என்ற சாதனை படைத்த விராட் கோலி 2018 – 2021 வரையிலான இதர நாடுகளை விட வெளிநாடுகளில் அதிக வெற்றிகளை இந்தியாவுக்கு பெற்றுக் கொடுத்தார். அந்த வெற்றி நடையே இந்த தொடரிலும் 2 – 1* என்ற கணக்கில் எதிரொலித்தது.

மெகா வீழ்ச்சி: அப்படி அற்புதமான வளர்ச்சியை நோக்கி சென்று கொண்டிருந்த இந்திய டெஸ்ட் அணியை கடந்த ஜனவரியில் நிகழ்ந்த கேப்டன்ஷிப் மாற்றம் பெரிய அளவில் தற்போது பாதித்துள்ளதாக  நிறைய  ரசிகர்கள் கூறுகின்றனர். ஏனெனில் மொத்தமாக 68 போட்டிகளில் 40 வெற்றிகளுடன் வெற்றிகரமான ஆசிய கேப்டன் என்ற சாதனையும், 16 வெற்றிகளுடன் வெளிநாடுகளில் அதிக வெற்றிகளை பதிவு செய்த ஆசிய கேப்டன் என்ற சாதனையும், 7 வெற்றிகளுடன் சேனா நாடுகளில் அதிக வெற்றிகளை குவித்த ஆசிய கேப்டன் என்ற சாதனையைப் படைத்த அவர் உலக கோப்பையை வாங்கி தரவில்லை.

இருப்பினும் ஒருநாள் மற்றும் டெஸ்ட் கிரிக்கெட்டில் தொடர்ந்து கேப்டனாக செயல்பட விரும்புவதாக தெரிவித்திருந்தார். ஆனால் வெள்ளை பந்து கிரிக்கெட்டில் 2 வெவ்வேறு கேப்டன்கள் தேவையில்லை என்று  கருதிய  பிசிசிஐ அவரை வலுக்கட்டாயமாக ஒருநாள் கேப்டன் பதவியில் இருந்து நீக்கி அந்த பொறுப்பை ரோகித் ஷர்மாவிடம் ஒப்படைத்தது. அதனால் மனமுடைந்த அவர் வெளி உலகிற்கு பணிச்சுமை காரணமாக காட்டி டெஸ்ட் கேப்டன் பதவியில் இருந்து விலகினார். அத்தோடு ரவி சாஸ்திரி – விராட் கோலி என்ற தலைமை கூட்டணி ரோகித் சர்மா – ராகுல் டிராவிட் என்று தலைகீழாக மாறியது.

அதன்பின் இந்த வருடத்தில் இதுவரை 3 வெளிநாட்டு டெஸ்ட் போட்டிகளில் இந்தியா களமிறங்கி 3 போட்டிகளிலும் தோல்வியடைந்தது. கடந்த ஜனவரியில் தென்ஆப்பிரிக்காவுக்கு எதிரான 3 போட்டிகள்  கொண்ட  டெஸ்ட் தொடரின் 3-வது போட்டியில் விராட் கோலி கடைசியாக கேப்டனாக செயல்பட்ட போட்டியில் இந்தியா தோற்றது. ஆனால் அது கேப்டன்ஷிப் மாற்றத்துக்குப்பின் நடந்த போட்டியாகும். இந்த 3 போட்டிகளுக்கும் ராகுல் டிராவிட் பயிற்சியாளராக செயல்பட்டுள்ளார்.

மேலும் வரலாற்றில் முதல் முறையாக இந்த வருடத்தில் இதுவரை பங்கேற்ற 3 வெளிநாட்டு போட்டிகளிலும் இந்தியா நிர்ணயித்த 200+ இலக்கை எதிரணிகள் அசால்டாக சேசிங்  செய்து  வென்றுள்ளனர்

மேலும் விராட் கோலி கேப்டனாக இருந்தபோது ஒருமுறை கூட வெளிநாடுகளில் 3 முறை இந்தியா தொடர்ச்சியாக தோற்றதில்லை. ஆனால் இந்த ஒரே வருடத்தில் களமிறங்கிய 3  வெளிநாட்டு போட்டிகளிலும் தோல்வியடைந்துள்ளது 

மேற்குறிப்பிட்ட புள்ளிவிவரங்கள் வெளிநாடுகளில் மீண்டும் இந்தியா சரியத் தொடங்கியுள்ளதைக் காட்டுகிறது. இதற்கு காரணம் கேப்டன்ஷிப் மாற்றம் எப்படி பாதிக்கும் என்பதை நீங்கள் கேட்கலாம். மேலும் விராட்  கோலி பேட்டிங்கில் சுமாராக செயல்படுகிறார் என்பதும் உண்மைதான். ஆனால் தேன்கூட்டை கலைப்பதை போல் நல்ல கேப்டன் கிடைத்து வெற்றிநடை போட்டு வரும் ஒரு அணியின் தலைமையை கலைத்தால் புதிய தலைமை வந்து உட்கார்ந்து செட்டாவதற்கு சில காலங்கள் தேவை. 

தங்கம் விலை சவரனுக்கு ரூ.520 அதிரடியாகக் குறைந்தது

உலகம் முழுவதும் முதலீட்டாளர்கள் பெருமளவில் பங்குச்சந்தைகளில் இருந்து வெளியேறி, தங்கத்தில் முதலீடுகளை மாற்றி வருகின்றனர். இதனால் இந்தியாவில் அதிக அளவு தங்கம் இறக்குமதி செய்யப்படுகிறது.

இந்தியாவில் கடந்த மே மாதத்தில் மட்டும் 107 டன் தங்கம் இறக்குமதி செய்யப்பட்டுள்ளது.  அதன்படி, கடந்த மே மாதத்தில் 600 கோடி டாலர் மதிப்புக்கு தங்கம் இறக்குமதி செய்யப்பட்டுள்ளது.

இந்நிலையில் , தங்கம் இறக்குமதியைக் கட்டுப்படுத்துவதற்காக அதன் மீதான சுங்க வரி 10.75 சதவீதத்திலிருந்து 15 சதவீதமாக உயர்த்தப்பட்டுள்ளது . வரி உயர்த்தப்பட்டதால் கடந்த சில நாட்களாக இந்தியாவிலும் தங்கம் விலை உயர்ந்தது . 

அதன்படி இந்த மாதத்தின் (ஜூலை) முதல் நாளில் தங்கம் விலை சவரனுக்கு ரூ.856 அதிரடியாக அதிகரித்துள்ளது.  ஒரு சவரன் ஆபரண தங்கம், 38,280 ரூபாய்க்கு விற்பனையானது.  ஒருகிராம் 4,785 ரூபாய்க்கு விற்பனை செய்யப்பட்டது.  அதனைத் தொடர்ந்து விலை அதிகரித்து வந்தது.